Молитва о помощи в птицеводстве великомученику Никите

К тебе, яко скорому и избранному спасения нашего ходатаю, богоизбранному воеводе, оружием креста враги победившему, великомучениче Никите, прибегаем: не отвратися от нашия нищеты, молению нашему внемли, и от бед нас (и обитель сию) сохрани. Простри руку твою, скорую помощь подающую. Управи ум наш от пагубоносныа разсеяний, и сердца наша оскверненная очисти, освяти и горе имети утверди. От враг видимых и невидимых нас сохрани, да над страстьми победители явимся, творяще святыню во страсе Господни, и всякое уныние поправше, радоватися о Господе начнем; и тако твоими ходатайствы, во смирении и простоте сердца, сподобимся до последняго издыхания боголепно Отца и Сына и Святаго Духа воспевати и твоя боговенчанныя подвиги и чудеса прославляти во веки веков. Аминь.